Երանոս

Դեպի Երանոս լեռ այս արշավը սկսվում է Գառնի գյուղից՝ Կոտայքի և Արարատի մարզերի սահմանագծին։ Թեև գագաթի բարձրությունը ընդամենը 1824 մ է, արշավն ինքնին երկար է և դիմացկունություն է  պահանջում։ Մոտ 20 կմ երկարությամբ և 710 մ հարաբերական բարձրությամբ այս երթուղին վերածվում է ամբողջ օրվա արկածի՝ լեռնային ընդարձակ  բնապատկերների միջով։

Արահետն անցնում է չոր լեռնաշղթաներով ու գունագեղ բլուրներով։ Այս տարածքն ունի շատ յուրահատուկ լանդշաֆտ. լեռները շերտավորված են կարմիրի, դեղինի ու մոխրագույնի տարբեր երանգներով՝ գեղեցիկ համադրություն ստեղծելով երկնքի և լայնարձակ տեղանքի հետ։ Գարնանը լանջերը ծածկվում են վայրի ծաղիկներով՝ բնապատկերին էլ ավելի շատ գույներ հաղորդելով։

Բարձրություն հավաքելուն զուգընթաց՝ տեսարաններն աստիճանաբար բացվում են։ Գագաթից երևում է ներքևում փռված Ազատի ջրամբարը և հորիզոնից այն կողմ ձգվող շրջակա լեռները։

Քանի որ ամռանն այս տարածքում չափազանց շոգ է լինում, իսկ ստվեր գրեթե չկա, մենք այս արշավը կազմակերպում ենք հիմնականում գարնանը և աշնանը, երբ եղանակը շատ ավելի հաճելի է երկար քայլարշավի համար։

Արշավից հետո մենք կայցելենք գյուղի ընտանիքներից մեկին և միասին ժամանակ կանցկացնենք՝ մի փոքր վայելելու գյուղական կյանքն ու տեղական հյուրասիրությունը: Սա լեռներում անցկացրած օրն ամփոփելու հրաշալի միջոց է։

• Երկարությունը՝ 20 կմ
• Հարաբերական բարձրությունը` 710 մ
• Առավելագույն բարձրությունը՝ 1824 մ